Advertisements

Tuesday, November 21, 2017

MHE MWANJELWA AMNADI MGOMBEA UDIWANI KATA YA IBIGI, APOKEA WANACHAMA WAPYA 21

Mjumbe wa Halmashauri Kuu ya Chama Cha Mapinduzi (CCM) Mhe Mary Mwanjelwa (Mnec) ambaye ni Naibu Waziri wa kilimo akimnadi Mgombea Udiwani Kata ya IbigiWilayani Rungwe Mkoa wa Mbeya Bi Suma Ikenda Fyandomo, Jana Novemba 20, 2017. Picha Zote Na Mathias Canal
Mjumbe wa Halmashauri Kuu ya Chama Cha Mapinduzi (CCM) Mhe Mary Mwanjelwa (Mnec) ambaye ni Naibu Waziri wa kilimo akimvalisha kofia ya CCM kijana aliyehama Chadema wakati wa kampeni za Udiwani Kata ya Ibigi Wilayani Rungwe Mkoa wa Mbeya Bi Suma Ikenda Fyandomo, Jana Novemba 20, 2017.

Mualiko: Uzinduzi wa Ripoti kuhusu Rushwa

MWENYEKITI WA CCM RAIS DKT MAGUFULI AENDESHA KIKAO CHA KAMATI KUU YA CC

Mwenyekiti wa CCM Rais Dkt John Pombe Magufuli, Makamu Mwenyekiti wa CCM (Zanzibar) na Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein na Katibu Mkuu wa CCM Ndugu Abdulrahman Kinana wakiongea baada ya kikao cha Kamati Kuu ya CCM jijini Dar es salaam leo Novemba 20, 2017
Mwenyekiti wa CCM Rais Dkt John Pombe Magufuli, Makamu Mwenyekiti wa CCM (Zanzibar) na Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein na Katibu Mkuu wa CCM Ndugu Abdulrahman Kinana wakiongea baada ya kikao cha Kamati Kuu ya CCM jijini Dar es salaam leo Novemba 20, 2017
Mwenyekiti wa CCM Rais Dkt John Pombe Magufuli, Makamu Mwenyekiti wa CCM (Zanzibar) na Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein, Makamu Mwenyekiti wa CCM (Bara) Ndugu Philip Mangula na Katibu Mkuu wa CCM Ndugu Abdulrahman Kinana na wajumbe wa Kamati Kuu ya CCM na sekretarieti yake baada ya kikao jijini Dar es salaam leo Novemba 20, 2017

Picha na IKULU

CCM YAMNADI MGOMBEA WA UDIWANI KATA YA KITWIRU, MANISPAA YA IRINGA

Kada wa chama cha mapinduzi (CCM) Albert Chalamila akiwa jukwaani na mgombea udiwani kupitia chama hicho Baraka Kimata katika uchaguzi mdogo wa kata ya Kitwiru manispaa ya Iringa
 Kada wa chama cha mapinduzi (CCM) Albert Chalamila akiwa jukwaani na mgombea udiwani kupitia chama hicho 

WAZIRI MHAGAMA: UHABA WA SUKARI NCHINI WAPATA MWAROBAINI

Waziri wa Nchi Ofisi ya Waziri Mkuu (Sera, Bunge, Kazi, Vijana, Ajira na Watu wenye Ulemavu) Mhe. Jenista Mhagama akifafanua jambo wakati wa mkutano wa Kamati ya Kudumu ya Bunge ya Katiba na Sheria walipofanya ziara katika kiwanda cha Sukari na Kilimo cha Miwa MbigiriKinachoendelea kujengwa Morogoro. Na. MWANDISHI WETU


Waziri wa Nchi Ofisi ya Waziri Mkuu anayeshughulikia Sera, Uratibu, Bunge, Vijana, Ajira na Watu wenye Ulemavu Mhe. Jenista Mhagama amesema kuwa kufufuliwa kwa kiwanda sambamba na shamba la Miwa la Mbigiri itasaidia kuondoa uhaba wa sukari nchini kwa kuzingatia uwepo wa kiwanda hicho na shamba la miwa Mbigiri.

Ameyasema hayo mapema mwishoni mwa wiki hii walipokuwa katika ziara na Kamati ya Kudumu ya Bunge ya Katiba na Sheria kujionea namna uboreshaji wa kiwanda hicho kinachomilikiwa na Jeshi la Magereza unavyoendelea.

Alieleza kuwa, Tayari hekari 300 zimeshapandwa miwa kati ya Hekari 1200 na hekari 700 zimeshalimwa ambapo hii itasaidia sana kuongeza uzalishaji wa sukari nchini tofauti na ilivyo sasa na kuwaomba Watanzania kuunga mkono jitihada za Mifuko ya Hifadhi ya PPF na NSSF ambao wamechangia asilimia hamsini kwa hamsini katika kuhakikisha kiwanda na shamba vinafikia malengo ya kuzalisha sukari kwa wingi nchini.

“Ninaipongeza Mifuko ya Hifadhi ya Jamii ya NSSF na PPF kwa kuona umuhimu wa kukiboresha kiwanda hiki ili kukidhi hitaji la nchi katika kutatua changamoto ya sukari nchini ambapo matarajio ni kuvuna miwa tani 500,000 na uzalishaji wa sukari utakuwa Tani 30,000”Alisisitiza Mhagama.

Serikali Yatoa ONYO Vyuo Feki Nchini

Serikali imesema itaendesha msako na kuvifunga vyuo vyote vya afya visivyokidhi vigezo na msharti ya uwepo wake.

Hayo yamesemwa jana  jijini Dar es Salaam na Naibu Waziri wa Afya na Ustawi wa Jamii, Jinsia, Wazee na Watoto, Dk. Faustine Ndugulile, alipozungumza kwenye mahafali ya Chuo cha Tiba na Afya cha KAM.

Alisema ingawa ni kweli kuna uhaba mkubwa wa watumishi wa sekta ya afya, lakini serikali haiwezi kuvumilia vyuo ambavyo vinajiendesha bila kufuata miongozo ya serikali.

“Ni kweli tuna uhaba wa watumishi zaidi ya 95,000 wa sekta ya afya lakini hakiwezi kuwa kigezo cha watu kujiendesha kwa ubabaishaji ubabaishaji, lazima miongozo ifuatwe,” Mh. Ndugulile.

CCM MKOANI MBEYA YAMSHUKURU RAIS MAGUFULI KWA KUMTEUA MHE MWANJELWA KUWA NAIBU WAZIRI WA KILIMO

 Naibu Waziri wa Kilimo Mhe Mary Mwanjelwa akisalimiana na wajumbe wa kamati ya siasa mara baada ya kuwasili kuwasalimu katika Ofisi za Chama Cha Mapinduzi Mkoani Mbeya akiwa ziarani Mkoani humo, Jana Novemba 20, 2017.Picha zote Na Mathias Canal
Naibu Waziri wa Kilimo Mhe Mary Mwanjelwa ambaye pia ni Mjumbe wa Halmashauri Kuu ya CCM Taifa akizungumza na viongozi mbalimbali wa CCM Mkoa wa Mbeya mara baada ya kuwasili kuwasalimu katika Ofisi za Chama Cha Mapinduzi Mkoani Mbeya akiwa ziarani Mkoani humo, Jana Novemba 20, 2017.

BALOZI WA JAPAN AKUTANA NA WAZIRI MWAKYEMBE KUJADILI MICHEZO

 Waziri wa Habari Utamaduni Sanaa na Michezo Mhe. Dkt. Harrison Mwakyembe (kushoto) akizungumza na Balozi wa Japan nchini Tanzania Mhe. Masaharu YOSHIDA (kulia) alipomtembelea ofisini kwake leo Jijini Dar es Salaam kujadili namna ya kusaidia michezo mbalimbali ukiwemo mchezo wa Baseball.
Balozi wa Japan nchini Tanzania Mhe. Masaharu YOSHIDA (kushoto) akifafanua jambo wakati wa maongezi na Waziri wa Habari Utamaduni Sanaa na Michezo Mhe. Dkt. Harrison Mwakyembe (kulia) leo Jijini Dar es Salaam kujadili namna ya kusaidia michezo mbalimbali ukiwemo mchezo wa Baseball.
Picha na Genofeva Matemu - WHUSM

Monday, November 20, 2017

Sikiliza Maisha ya Augustine Mkude ndani ya The Untold Episode (1-5) Presented by Sunday Shomari

MAHAKAMA YAIDHINISHA USHINDI WA KENYATTA KENYA

Mahakama ya juu zaidi nchini Kenya imetupilia mbali kesi mbili zilizowasilishwa kwa nia ya kutaka kufutwa matokeo ya uchaguzi wa mwezi Octoba.

Majaji wanaosikiliza kesi hizo wanasema hapakuwa na ushahidi wa kutosha kufuta uchaguzi huo .

Baada ya kutupwa kwa kesi hizo zoezi la maandalizi ya kumwapisha Rais Uhuru Kenyatta tarehe 28 mwezi November mwaka huu limeanza.

Wafuasi wa chama cha Jubilee waliokuwa nje ya Mahakama ya juu zaidi wameonekana wakiingia mitaani kushangilia uamuzi huo wa Mahakama .

Mitaa mbalimbali ya Nyeri , Gatundu na Eldoret imelipuka kwa shamrashamra za furaha ya uamuzi huo wa Mahakama.

DR NTUYABALIWE FOUNDATION YAHAMASISHA WANAFUNZI KUJIAMINI NA KUSOMA KWA BIDII

Mwalimu mkuu wa shule ya msingi ya Muungano, Esther Matowo(kushoto) akimkaribisha Mkurugenzi wa Dr.Ntuyabaliwe Foundation na Miss Tanzania 2000, Bi. Jacqueline Mengi mara alipowasili shuleni hapo leo kwenye siku ya maadhimisho ya siku mtoto Duniani.
Mkurugenzi wa Dr.Ntuyabaliwe Foundation na Miss Tanzania 2000, Bi. Jacqueline Mengi akizungumza na wanafunzi wa shule ya Msingi ya Muungano na Serengeti alipowatembelea katika maadhimisho ya Siku ya Mtoto Duniani yanayofanyika Novemba 20 ya kila mwaka.

Wanafunzi wamehamasishwa kujiamini na kusoma kwa bidii ili kujijengea msingi imara ya mafanikio katika maisha yao.
Hayo yamesemwa leo jijini Dar es salaam na Muasisi wa Dr. Ntuyabaliwe Foundation, Bi. Jacquiline Mengi alipowatembelea wanafunzi wa shule za msingi za Muungano na Serengeti zilizopo Manispaa ya Temeke, siku  ambayo duniani kote inaadhimishwa siku ya mtoto Duniani.

#DICOTAHEALTH IN PICTURES

From Left to Right: DICOTA EXECUTIVE COMMlTTEE (E.C.) CHAIRMAN, CHARLES BISHOTA, DICOTA E.C. GENERAL SECRETARY, NISA KIBONA, & DICOTA BOARD CHAIRMAN, LUNDA ASMANI.
TANZANIA AMBASSADOR  TO THE UNITED STATES, BALOZI  MASILINGI.
E.C. GENERAL SECRETARY, NISA KIBONA & WAMINJA WAMINJA

Celebrate Tanzania Independence Day and Annual Fundraising Dinner in Oakland - California, Dec 9th.

Tanzanian Community Organization (TCO) in the BayArea cordially invites you to celebrate & commemorate the Independence of Tanzania 56th Anniversary and Annual Fundraising Dinner. It will be a time to celebrate all aspects of Tanzanian culture, delicious East African Food, Music, Dancing, Fashion Show, Cultural Performances and great Tanzanian & AfroBeats Music & More... KARIBUNI SANA.

For Online ticket please visit - 👉 https://tanzania-independence-day.eventbrite.com. 

Wakili na Mkurugenzi TIB wapandishwa Mahakama ya hakimu mkazi Kisutu.

Washitakiwa ambao ni wakili maarufu wa kujitegemea Dkt. Ringo Tenga na Mkurugenzi mtendaji wa zamani wa benki ya rasilimali TIB Dkt. Peter Noni wamepandishwa Mahakama ya hakimu mkazi Kisutu na kusomewa mashitaka sita likiwemo la utakatishaji wa fedha na kusababisha hasara ya dola milioni tatu na laki saba. 

Upande wa mashtaka ukiwakilishwa na wakili kutoka mamlaka ya Mawasiliano TCRA umedai washtakiwa wameingilia Mawasiliano na kusababisha hasara hiyo kupita simu za kimataifa kwa vipindi tofauti.

WATAKWIMU WATAKIWA KUTUMIA TEKNOLOJIA YA KISASA KATIKA UKUSANYAJI WA TAKWIMU BORA

 Mwakilishi wa Gavana wa Benki Kuu ya Tanzania (BoT) ambaye pia ni Mkurugenzi wa Uchumi wa benki hiyo Bw. Johnson Nyera akizungumza wakati wa maadhimisho ya Siku ya Takwimu barani Afrika iliyofanyika katika Kituo cha Kimataifa cha Mwl. Julius Nyerere (JNICC) jijini Dar es Salaam leo. Kushoto ni Meneja wa Takwimu za Ajira na Bei Bibi. Ruth Minja na Mwakilishi wa Asasi za Kiraia Bw. Stephen Chacha. Kauli mbiu ya maadhimisho ya mwaka huu ni "Takwimu Bora za Uchumi kwa Maisha Bora".
 Mkurugenzi Mkuu wa Ofisi ya Taifa ya Takwimu (NBS) Dkt. Alibina Chuwa akisisitiza jambo wakati wa hafla ya maaadhimisho ya Siku ya Takwimu Barani Afrika leo Jijini Dar es Salaam. Kutoka kulia ni Mkurugenzi wa Shughuli za Kitakwimu Bw. Irenius Ruyobya, Mwakilishi wa Gavana wa Benki Kuu ambaye pia ni Mkurugenzi wa Uchumi wa benki hiyo Bw. Johnson Nyera, Makamu Mwenyekiti wa Taasisi ya Watakwimu Tanzania (TASTA) na Mwakilishi kutoka Ofisi ya Mtakwimu Mkuu wa Serikali ya Mapinduzi Zanzibar Bw. Abdalah Ramadhan Abeid. Kauli mbiu ya mwaka huu ni " Takwimu Bora za Uchumi kwa Maisha Bora".

NG'ARING'ARI YA KWENYE BABY SHOWER YA LUIZA MAPUNDA ILIYOFANYIKA SPRINGFIELD. MA

Luiza Mapunda akiwa amekaa kwenye kiti chake cha kujidai siku ya Baby shower yake iliyofanyika Springfield.MA.

Hapa Mama Kijacho Luiza akiwa na Baba Kijacho Dj Rich wa Springfield. MA wakipata ukodak siku ya baby shower ya mama kijacho,
Luiza akipata ukodak na familia yake kutoka Kansas City.
Ukodak wa pamoja mama kijacho na marafiki kwa taswira zaidi ya ukumbuni hapo nenda kwenye soma zaidi.

KABURI LAFUKULIWA MOSHI KUONDOA UTATA WA MWILI WA MTU ALIYEZIKWA BAADA YA KUOKOTWA MTONI.

Mwili uliofukuliwa katika makaburi hayo ukiwekwa katika gari la Polisi kwa ajili ya kwenda kuhifadhiwa katika Hosptali ya Rufaa ya KCMC.

Na Dixon Busagaga wa Globu ya Jamii Kanda ya Kaskazini.
UTATA umeighubika familia ya Jackson Makundi ambayo kijana wake aliyetambulika kwa jina la Humphrey Makundi,Mwanafunzi wa shule ya Sekondari ya Scolastica iliyopo mji mdogo wa Himo kupotea katika mazingira tatanishi.

Utata wa kupotea kwa mwanafunzi huyo unatiliwa shaka zaidi na familia hiyo baada ya kufukuliwa kwa kaburi ulimozikwa mwili uliookotwa mto Ghona mita 300 ,jirani na shule hiyo ukidaiwa kushabihiana na wa mwanafunzi huyo.

Humphrey Makundi, mwanafunzi wa kidato cha pili katika shule ya sekondari ya Scolastica anatajwa kupotea tangu Novemba 7 mwaka huu akiwa shuleni hapo huku wanafunzi wenzake wakiendelea na mitihani ya kidato cha Pili ya upimaji ya kitaifa .
Familia ya kijana huyo yenye makazi yake mkoani Dodoma ikalazimika kutumia mitandao ya kijamii kutoa taarifa za kupotea kwake ikidai mazingira ya kutoweka kwake ni ya kutatanisha na baadae kuwasilisha taarifa katika kituo cha Polisi cha Himo .

Kutokana na kuwepo kwa taarifa za kuokotwa kwa mwili huo ,familia iliwasilisha maombi katika mahakama ya Hakimu Mkazi, Moshi na mahakama ikaamuru kufukuliwa kwa Kaburi hilo zoezi lililoanza majira ya saa 8:30 mchana na kudumu kwa zaidi ya saa moja.

Jeshi la Polisi liliongoza zoezi hilo katika makaburi ya Karanga huku likishuhudiwa na ndugu wa mtoto aliyepotea ambapo baada ya mwili kutolewa kaburini hali ya simanzi ilionekana katika nyuso za baadhi ya ndugu wa Mwanafunzi huyo akiwemo baba mzazi wa kijana huyo.

Kamanda wa Polisi mkoa wa Kilimanjaro,Kamishna Msaidizi wa Polisi ,Hamis Issa akathibitisha uwepo wa tukio hilo huku akieleza kuwa tayari jeshi la Polisi linawashikilia wati 11 akiwemo mmiliki wa shule hiyo Edward Shayo huku likifanya uchunguzi wa kina kuhusu matukio hayo mawili.

Nyalandu akabidhiwa kadi ya Chadema


Mwenyekiti wa Chadema, Freeman Mbowe amemkabidhi kadi ya uanachama wa chama hicho, Lazaro Nyalandu.

Nyalandu aliyekuwa mbunge wa Singida Kaskazini kwa tiketi ya CCM alijiondoa ndani ya chama hicho Oktoba 30,2017.

Kadi ya Chadema amekabidhiwa jana Jumapili Novemba 19,2017 katika uwanja wa Shule ya Msingi Mhandu ambako Mbowe alihutubia mkutano wa hadhara wa kampeni za udiwani katika uchaguzi mdogo utakaofanyika Novemba 26,2017.

"Nimeisubiri kwa shauku kubwa siku hii ya leo ili nipate fursa ya kupigania mageuzi ya kisiasa na ya kiuchumi Tanzania," alisema Nyalandu baada ya kukabidhiwa kadi.

Alisema ana shauku, furaha na heshima kukaribishwa rasmi kuwa mwanachama wa Chadema.

WAZIRI UMMY AWATAKA WAGANGA WAKUU WA MIKOA KUANZISHA ZOEZI LA WAZI LA UCHUNGUZI WA SARATANI YA KIZAZI KWA WANAWAKE.

 Waziri  wa Afya,Maendeleo ya Jamii, Jinsia, Wazee na Watoto Mhe. Ummy Mwalimu akizungumza na waandishi wa habari hawapo pichani wakati wa kupokea vifaa vya kuchunguza saratani vyenye thamani ya shilingi milioni 98  leo jijini Dar es salaam .
 Waziri wa Afya, Maendeleo ya Jamii, Jinsia, Wazee na Watoto,  Mhe. Ummy Mwalimu (kulia) akipokea moja ya vifaa vya uchunguzi wa saratani ya kizazi kutoka kwa Mkurugenzi Mkazi wa Jhpiego nchini Tanzania Bw. Jeremia Zoungran (kushoto) wakati wa makabidhiano ya vifaa vya kuchunguza saratani ya kizazi leo jijini Dar es salaam.

BALOZI WA TANZANIA NCHINI SHELISHELI AWASILISHA HATI ZA UTAMBULISHO.


Balozi wa Tanzania nchini Shelisheli mwenye makazi yake nchini Kenya, Mhe. Dkt. Pindi Chana akiwasilisha Hati za Utambulisho kwa Rais wa Jamhuri ya Shelisheli, Mhe. Danny Faure. Makabidhiano hayo yalifanyika tarehe 14 Novemba 2017, katika Ikulu ya nchi hiyo. 
Mhe. Balozi Chana akizungumza na Mhe. Rais Faure ambapo Serikali ya Jamhuri ya Shelisheli imemuhakikishia kumpa ushirikiano katika utekelezaji wa majukumu yake.

CCM Z'BAR YATUMA SALAMU ZA RAMBI RAMBI KIFO CHA MWANAHABARI WA ZBC

CHAMA Cha Mapinduzi (CCM) Zanzibar kimepokea kwa mshituko na huzuni mkubwa taarifa ya kifo cha Mwandishi wa habari wa Shirika la Utangazaji Zanzibar (ZBC) Marehemu Maridadi Aman kilichotokea jana katika Hospitali ya Tasakhtaa Grobal, Vuga Zanzibar.

Kutokana na msiba huo mzito kwa Tasnia ya Habari nchini, CCM Zanzibar inatambua na kuthamini mchango mkubwa wa marehemu enzi za uhai wake alikuwa mstari wa mbele katika kutangaza taarifa za Chama Chetu kwa jamii.

Tunaamini kwamba juhudu, maarifa na busara za marehemu Maridadi zitabaki kama kumbukumbu na muongozo wa kuongeza hamasa ya kujituma kiutendaji kwa Wanahabari wote nchini.

Naibu Katibu Mkuu wa CCM Zanzibar Dk.Abdulla Juma Mabodi anawapa pole Wizara ya Habari, Utamaduni, Utalii na Michezo, Wanahabari wote, ndugu wa familia pamoja na walioguzwa na msiba huo.

Mpendwa wetu ametangulia mbele ya Haki , ataendelea kubaki katika kumbukumbu zetu daima na tunamuomba Mungu aiweke roho ya Marehemu mahali pema peponi Amin.

Imetolewa na:-

NDG.WARIDE BAKAR JABU

KATIBU WA KAMATI MAALUM WA NEC,
IDARA YA ITIKADI NA UENEZI CCM -ZANZIBAR,
20, NOVEMBA 2017.

ESRF YATAFUTA SULUHU YA UTENGENEZAJI MIJI

MANUFAA ya uchumi unaokua kwa kasi kuelekea uchumi wa kati wa viwanda hayataonekana kama taifa litakuwa na changamoto katika utengenezaji wa miji yake na hivyo kuvuna tija ya miji iliyopangwa vyema.


Kauli hiyo imetolewa na Kaimu Katibu Mtendaji Tume ya Mipango, Wizara ya Fedha na Mipango, Maduka Paul Kessy wakati akifungua mkutano wa wanazuoni walio katika Mpango wa Fikira za Uendelezaji wa Miji Tanzania (Lab Tanzania) unaoratibiwa na taasisi ya Utafiti wa Kiuchumi na Kijamii (ESRF).

Mkutano huo ulikuwa na lengo la kuangalia mada tatu zilizokubaliwa kufanywa kama sehemu ya kutengeneza mwongozo wa namna ya kuendesha mpango huo ili kuisaidia serikali katika kutengeneza miji salama na yenye tija.

Mkurugenzi Mtendaji wa Taasisi ya Tafiti za Kiuchumi na Kijamii (ESRF), Dk. Tausi Kida akitoa neno la ukaribisho wakati wa mkutano wa wanazuoni walio katika Mpango wa Fikira za Uendelezaji wa Miji Tanzania (Lab Tanzania) unaoratibiwa na taasisi ya Utafiti wa Kiuchumi na Kijamii (ESRF) uliofanyika katika ukumbi wa mikutano wa ESRF jijini Dar es Salaam mwishoni mwa wiki.

Mada hizo tatu ni pamoja na kuangalia miundombinu ya miji na huduma za kifedha katika utengenezaji wa miji, mahusiano ya serikali kuu na ya mitaa ; na mada ya tatu ni namna ya kupata taarifa sahihi ili kuimarisha uwekezaji.

Kessy alisema wakati serikali inatekeleza malengo ya mpango wa pili wa maendeleo wa miaka mitano (FYDP) ll , wenye lengo la kuweka mazingira sawa kwa uchumi wa viwanda na maendeleo, mpango huo wa ESRF umekuja muda muafaka kwani utasaidia kutafuta na kutoa majawabu halisi na sahihi.

MAHAFALI YA KWANZA YA CHUO CHA MANJANO BEAUTY ACADEMY YAFANYIKA JIJINI DAR

 
Mgeni Rasmi Mkuu wa Wilaya ya Ilala Mh Mama  Sophia Mjema Akizungumza Machache wakati wa Mahafali  ya kwanza ya Chuo cha Manjano Beauty Academy .Ambapo amewataka Wanawake Kuchangamkia Fursa ya Urembo kwa kuwa ukuaji wake kwa sasa ni kubwa na inakabiliwa na Upungufu wa Wataalamu hivyo akiwashauri wanawake wengi Kujiunga na Kuiga Mambo Mazuri Yanayofanywa na Chuo cha Manjano Beauty Academy.Akieleza zaidi Alisema Sekta ya Urembo ina Fursa kubwa kwa Ajira kwa sasa,Katika Mahafali hayo  Wahitimu 120 Wametunukiwa vyeti katika  katika nyanja ya urembo.
Mwanzilishi wa Chuo cha  Manjano Beauty Academy Mama Shekha Nasser Akitoa Hotuba yake wakati wa mahafali ya kwanza ya chuo hicho yaliofanyika Kwenye Viwanja vya Kijiji cha Makumbusho Jijini Dar es salaam.Mama Shekha Nasser Amewashukuru wazazi na walezi kwa kuwapeleka Watoto wao kwenye chuo hicho kwa LengoKupata Ujuzi wa Maswala ya Urembo,Aidha Ametaja Changamoto kubwa Alizokabiliana nazo wakati anaanzishi Chuo hicho Ikiwemo ukosefu wa Wataalamu wazawa wa Maswala ya Urembo.

HEAD, INC - 2017 ANNUAL GALA


For Your Ticket Donation CLICK HERE

Daktari kutoka Diaspora akitowa huduma kwa Mwananchi wa Zanzibar kuhusiana na maradhi ya presha aliyefika kupata huduma hiyo katika Kambi hiyo ya Madaktari wa Diaspora kutoka Marekani. wakiwa Zanzibar kwa siku tano kutowa huduma hiyo kwa Wananchi wa Zanzibar.
Timu ya Madaktari kutoka Marekani wakitoa elimu ya afya ikiwemo saratani ya matiti siku ya Jumamosi July 25, 2015 siku walipotembelea Chuo cha Elimu ya Afya, Zanziabar.
Wanafchuo chuo cha elimu ya Afya Zanzibar wakiwasikiliza madaktari toka Marekani siku ya Jumamosi July 25, 2015 wakati madaktari hao walipokua wakitoa elimu ya afya ikiwemo saratani ya matiti. 
Image result for madaktari kutoka marekani zanzibar
Bwn. Idd Sandaly akielezea jambo wakati timu ya madaktari kutoka Marekani walipotembelea Chua cha Elumu ya Afya Zanzibar siku ya Jumamosi Julya 25, 2015

THANKSGIVING WEEKEND BASH COLUMBUS, OHIO


KILICHOTOKEA KENYA BAADA YA MAHAKAMA KUKUBALI UHURU KENYATTA ALISHINDA KIHALALI

THANKSGIVING PARTY 2017 PRESENTED BY TANZANIA HOUSTON COMMUNNITY (THC)

*HOUSTON TANZANIAN COMMUNITY*
Presents 2nd Annual
THANKSGIVING GALA
2017
*FRIDAY NOV 24TH - SUNDAY NOV 26TH*
*FRIDAY*
1. Kids games afternoon - TBT
2. Houston Night Life at 042LOUNGE 13711 WESTHEIMER RD
HOUSTON TX 77082

*SATURDAY*
1. Soccer game & BBQ from 10am-6pm
2. 2nd Annual Thanksgiving GALA at * CHATEAU CRYSTALE Starting at 7:00 PM

*SUNDAY*
1. Farewell get together - Sports bar PROSPECT PARK 3100 Fountain View Dr, Houston, TX 77057
*FREE ENTRY FOR GUEST OUT OF STATE WITH RSVP*


*DRESS CODE:*
Ladies : Surprise Us #Elegant
Gentleman : Black & White Shirt (Suit preferred)

"An Evening to Remember "
For more information & Event Sponsor please call :
8322054959 OR 832790 3364

*Online RSVP*
http://goo.gl/JPYGkF )

VIDEO HOTUBA YA MUGABE ALIVYOKATAA KUACHIA NGAZI

KAMATI YA KUDUMU YA BUNGE YA KATIBA NA SHERIA YATEMBELEA KIWANDA CHA SUKARI CHA MBIGIRI

Mkuu wa Mkoa wa Morogoro Mhe. Stephen Kebwe akiwakaribisha baadhi ya wajumbe wa Kamati ya Kudumu ya Bunge ya Katiba na Sheria walipotembelea katika kiwanda cha Sukari na Kilimo cha Miwa Mbigiri kilichopo Wilaya ya Kilosa Mkoani Morogoro Novemba 18, 2017.
Naibu Waziri Ofisi ya Waziri Mkuu (watu wenye Ulemavu) Mhe. Stella Ikupa akisalimiana na Mhe. Siuleman Zedi mara baada ya kuwasili katika kiwanda cha Sukari na Kilimo cha Miwa Mbigiri kilichopo Wilaya ya Kilosa Morogoro.

I'm the Man (Official Video) by Mr.Tz aka SanTz

Dakika 41 za Mhe. Lazaro Nyalandu KuisambaratisHA CCM Mwanza

MUGABE AKATAA KUACHIA URAIS

Image result for mugabe
RAIS wa Zimbabwe ambaye sasa yuko matatani, anakabiliwa na ukomo (deadline) uliowekwa na chama chake kujiuzulu, baada ya kutoa hotuba ya kushangaza ambapo amekataa kuachia madaraka.

Mugabe mwenye umri wa miaka 93, anatakiwa kujiuzulu ifikapo saa 6 mchana leo Novemba 20, 2017, vinginevyo bunge la nchi hiuyo ambalo lina wafuasi wengi kutoka chama chake cha ZANU-PF litapiga kura ya kutokuwa na imani nae na hivyo kumuondoa madarakani.

Emmerson Mnangagwa, ambaye alitimuliwa na Mugabe hivi karibuni kwenye nafasi ya umakamu wa Rais, ametangazwa kuwa kiongozi wa ZANU-PF baada ya wanachama wa chama hicho kumng’oa madarakani Mugabe ambaye ndiye alikuwa Mwenyekiti wa taifa wa ZANU-PF.

Katika hotuba yake ya maandishi aliyoisoma kwa dakika 20 kwenye televisheni ya taifa, hakuna mahala alipotaja, msukosuko wa sasa kutoka kwenye chama chake au raia wa nchi hiyo ambao majuzi walijitokeza barabarani na kuhanikiza jiji la Harare huku wakimtaka Mugabe aondoke madarakani.

TAARIFA KWA UMMA KUTOKA OFISI YA MAKAMU WA RAIS


Ofisi ya Makamu wa Rais wa Jamhuri ya Muungano wa Tanzania inakanusha taarifa inayosambaa katika Mitandao ya Kijamii kuhusu Taasisi ya Kiraia ijulikanayo kama Samia Habari Suluhu. Taasisi hiyo inajitambulisha kuwa inatoa mikopo ya fedha taslim, pikipiki na bajaji kwa wanawake wajasiriamali kwa masharti ya kuweka dhamana ya fedha taslimu shilingi laki mbili. Ofisi inapenda kuujulisha umma kuwa taarifa hizo ni za uongo na uzushi na zina lengo la kuupotosha umma wa Watanzania.

Makamu wa Rais wa Jamhuri ya Muungano wa Tanzania Mheshimiwa Samia Suluhu Hassan, hamiliki taasisi yoyote ya aina hiyo na hahusiki kwa namna yoyote na kazi za taasisi hiyo na wala haitambui taasisi hiyo.

Ofisi ya Makamu wa Rais inawataka Wananchi kuzipuuza taarifa hizo zinazosambaa kwenye mitandao ya kijamii kwani zinalenga kuleta taharuki na kupotosha Umma wa Watanzania.

Imetolewa na
Ofisi ya Makamu wa Rais wa Jamhuri ya Muungano wa Tanzania
Ikulu- Dar es Salaam