Advertisements

Saturday, October 1, 2016

One Week Away - All White Party in Springfield, MA


In the city of basketball birth place and hall of fame Springfield, Mass, ladies of Springfield would like to invite you and your company to a 2nd Annual "All White Party"
Columbus Day Weekend ~ Saturday: October 8, 2016
Doors: $10 | Ladies Free All Night | 21+ Event  | 6PM - 1AM

DAYS IN
-Ballroom Hall-
450 Memorial Drive, Chicopee, MA 01020

A lot of delicious Organic African food and special drinks all night.
Tell a friend to tell a friend, it's all white party attire, Dress to impress. An event you don't want to miss.

More Info & Tickets: 413-204-1321 // 413-896-2069

SERENGETI BOYS YAENDELEA KUJIFUA KWA KASI KABLA YA KUWAKABILI WENYEJI WAO VIJANA WA CONGO KESHO

CONGO TUTAWAZIKA HAPA... Ndivyo anavyoonekana kusema Mshauri wa Maendeleo ya soka la Vijana, Kim Poulsen (kushoto) akimwelezea Mkuu wa Msafara wa Timu ya Taifa ya Vijana wenye umri wa chini ya miaka 17 - Serengeti Boys, Ayoub Nyenzi kwenye Uwanja wa Kumbukumbu ya Alphonse Massamba-Débat - Rais wa zamani wa Congo. Uwanja huo ulioko kwenye Makutano ya Barabara za Nkolo na Boko, hapa jijini Brazzaville ndio utakaotumika kwa ajili ya mchezo wa kuwania kucheza fainali za Kombe la Mataifa ya Afrika kati ya Tanzania na Congo, Jumapili Oktoba 2, 2016.
Huyo ndiye Muhsin Malima Makame au unaweza ukamwita ‘Super Sub’ wa Timu ya Taifa ya Vijana wenye umri wa chini ya miaka 17 - Serengeti Boys, akikokota mpira kwenye Uwanja wa Kumbukumbu ya Alphonse Massamba-Débat - Rais wa zamani wa Congo kuonyesha uwezo wake uwanjani pindi anapoingia kipindi cha pili kuokoa jahazi. Akikosa kufunga huwa ni kama bahati mbaya.

BALOZI SEIF AWATOA HOFU WANANCHI, ASEMA SMZ IPO MAKINI KATIKA MIKATABA YA MASUALA YA MAFUTA NA GESI ASILIA

Makamu wa Pili wa Rais wa Zanzibar Balozi Seif akiahirisha Mkutano wa Baraza la Wawakilishi Zanzibar uliokuwa ukifanyika katika Ukumbi wa Baraza hilo uliopo Mbweni nje kidogo ya Kusini mwa Mji wa Zanzibar.
Wajumbe wa Baraza la Wawakilishi Zanzibar wakisikiliza Hotuba ya kufungwa kwa Baraza la Wawakilishi iliyotolewa na Makamu wa Pili wa Rais wa Zanzibar Balozi Seif Ali Iddi hayupo pichani.

Kichupa cha leo Brown Mauzo ft Alikiba - Nitulize (Official Video)

MASAUNI AZITAKA TAASISI ZA KIDINI NCHINI KUPAMBANA NA MAOVU, AFUNGUA MKUTANO WA 47 WA JUMUIYA YA WAISLAMU WA AHMADIYYA.

 Naibu Waziri wa Mambo ya Ndani ya Nchi, Mhandisi Hamad Masauni (katikati), Rais Mstaafu awamu ya pili, Ali Hassan Mwinyi wakiwapungia waumini wa Jumuiya ya Waislamu wa Ahmadiyya (hawapo pichani) wakati walipokuwa wanawasili katika Ukumbi wa Mkutano wa Jumuiya hiyo, uliopo Kitongoji cha Kitonga, Kata ya Msongola, Ilala, jijini Dar es Salaam. Masaunia ambaye alikuwa mgeni maalum katika mkutano huo wa 47 wa jumuiya hiyo nchini, aliitaka Jumuiya hiyo pamoja na Taasisi zingine za kidini nchini kuendeleza kazi kubwa ya kupambana na maovu katika jamii kwa kuwapatia waumini wao elimu na maarifa ya kuboresha tabia na maadili yao kiroho. Kulia ni Kiongozi Mkuu wa Jumuiya hiyo nchini, Sheikh Tahir Mahmood Chaudhry. Picha zote na Wizara ya Mambo ya Ndani ya Nchi.
 Naibu Waziri wa Mambo ya Ndani ya Nchi, Mhandisi Hamad Masauni akizungumza na waumini wa Jumuiya ya Waislamu wa Ahmadiyya katika Mkutano wa 47 wa jumuiya hiyo nchini unaofanyika katika Ukumbi wa Mkutano wa Jumuiya hiyo, uliopo Kitongoji cha Kitonga, Kata ya Msongola, Ilala, jijini Dar es Salaam. Kushoto ni Rais Mstaafu awamu ya pili, Ali Hassan Mwinyi, anayefuata ni Kiongozi Mkuu wa Jumuiya hiyo nchini, Sheikh Tahir Mahmood Chaudhry. Masauni katika hotuba yake aliitaka Jumuiya hiyo pamoja na Taasisi zingine za kidini nchini kuendeleza kazi kubwa ya kupambana na maovu katika jamii kwa kuwapatia waumini wao elimu na maarifa ya kuboresha tabia na maadili yao kiroho. Picha na Wizara ya Mambo ya Ndani ya Nchi.

RC MONGELLA AFUNGUA MKUTANO WA ROBO MWAKA WA CHAMA CHA MAJAJI NA MAHAKIMU MIKOA MWANZA NA GEITA

Mkuu wa Mkoa wa Mwanza, Mhe.John Mongella, akizungumza kwenye Ufunguzi wa Mkutano wa Robo Mwaka wa Chama cha Majaji na Mahakimu JMAT, tawi la Mwanza na Geita, unaofanyika leo kwenye ukumbi wa jengo la NSSF Jijini Mwanza.
Jaji Mfawidhi Kanda ya Ziwa, Mhe.Robert Makaramba, akizungumza kwenye mkutano huo.
Mwenyekiti wa JMAT tawi la Mwanza, Francis Kishenyi, ambaye pia ni Hakimu Mkazi Mfawidhi Wilaya ya Ukerewe mkoani Mwanza, akizungumza na wanahabari nje ya mkutano huo.

KUPANDA, KUSHUKA KWA ASHANTI UNITED

UKIKATIZA mitaa ya Ilala, hususani maeneo ya soko la Boma utakutana na shamrashamra za wauza mitumba ambao wanaendelea na shuguli zao za kujipatia riziki na cha kufurahisha ni vigoma vyao na nyimbo wakitangaza bei ‘Mia tanoo... elfu mbili...elfu mojaaa!’.
Lakini wauza mitumba hao wamekuwa chachu ya kuwepo kwa timu ya soka ya Ashanti United ‘Watoto wa Ilala’ kama wanavyoiita wenyewe katika harakati zake zote za kupanda na kushuka kwenye medani ya soka. Unapofika maeneo ya Ilala, makao makuu ya klabu hiyo yanatazamana na jengo la Mwalimu House, ni jengo dogo na chini yake kuna ofisi za DAWASCO au muulize muuza mitumba, yeyote bila shaka atakuonesha ilipo klabu hiyo.
Hata hivyo, klabu hiyo imepita milima na mabonde mpaka ilipo sasa, Katibu mkuu wa Ashanti United, Jimmy China anaelezea milima na mabonde ya Ashanti ambayo ni timu kongwe yenye zaidi ya miaka 50 tangu kuanzishwa kwake. “Kiuhalisia ni Ashanti Sports Club ilitokana na timu ya Utete boys ambayo ilikusanya vijana wa Ilala wakina Hamis Kisiwa, Arthar Mwambeta, Juma Mkange, Abdallah Kibadeni hao wote baadae walikuja kuzichezea Simba na Yanga,” anasema China.
Anasema miaka ya 50 jeshi la wanamaji Uingereza walifanya ziara katika nchi ambazo zilikuwa koloni la Muingereza ambako walifika nchini na kucheza mchezo wa kirafiki na Utete Boys iliyoshinda mabao 2-1.

SERIKALI YASOGEZA MBELE FIELD KWA WANAFUNZI WA AFYA 2016

Manunuzi yaitia serikali hasara bilioni 23/-

Mwenyekiti wa Bodi ya Wakurugenzi wa PPRA, Balozi Dk Matern Lumbanga

MAMLAKA ya Udhibiti wa Manunuzi ya Umma (PPRA) imefanya ukaguzi wa manunuzi ya umma na kubaini Serikali kupata hasara ya Sh bilioni 23. 41 kutokana na sababu mbalimbali, ikiwemo udhaifu katika kuandaa mipango na kufanya upembuzi yakinifu, uliosababisha ongezeko la gharama ya miradi, maandalizi duni ya mahitaji na udhaifu katika usimamizi wa mikataba.
Mwenyekiti wa Bodi ya Wakurugenzi wa PPRA, Balozi Dk Matern Lumbanga alisema hayo jijini Dar es Salaam jana wakati akitoa muhtasari wa ripoti ya ukaguzi kwenye manunuzi ya umma katika mwaka wa fedha 2015/2016 pamoja na taarifa ya uhakiki wa ukaguzi, uliofanyika mwaka wa fedha 2014/2015.
Alisema jumla ya taasisi 70, zilifanyiwa ukaguzi wa ukidhi ulioangalia namna zilivyozingatia sheria na kanuni za manunuzi pamoja na matumizi ya nyaraka za miongozo na mifumo iliyoandaliwa na PPRA.

Friday, September 30, 2016

VIFAA VYA SANGOMA VYANASWA UWANJA WA TAIFA, YANGA, SIMBA WATUPIANA MZIGO


Unaweza kusema utamu kunoga! Mechi ya watani, Yanga na Simba haikosi vituko. 


Kuna taarifa kwamba kuna vitu vinavyoashiria hali ya kishirikina vimekamatwa kwenye Uwanja wa Taifa jijini Dar es Salaam kabla ya mechi ya watani, Yanga na Simba, kesho.


Wakati vimekamatwa jana, lakini kila upande unatupa mpira kwa upande mwingine, kwamba ndiyo chanzo au unahusika.

Yanga wanasema ni Simba, nao Simba wanasema ni Yanga. Basi ili mradi siku zinasogea na inaendelea kuthibitika kwamba mechi hizo hasa za watani, watu ndiyo riziki zao.

Taarifa Ya Kanusho Kuhusu Tangazo La Ajira Serikalini



BONGO MOVIE SHINYANGA WAMETULETEA FILAMU YA KIMATAIFA "NYAMA YA ULIMI"

Bongo Movie Shinyanga inakuletea filamu ya kusisimua,kutisha,kuhuzunisha,kufurahisha,kuonya na kuelimisha inaitwa “Nyama ya Ulimi”.

Majaliwa ahamia rasmi Dodoma

Waziri Mkuu, Kassim Majaliwa na mkewe Mary (nyuma) wakiwapungia wananchi baada ya kuwasili Uwanja wa Ndege wa Dodoma jana, kuanza makazi mapya ya kiutawala.(Picha na Ofisi ya Waziri Mkuu).

TANZANIA leo iliandika historia mpya baada ya Waziri Mkuu, Kassim Majaliwa kuwasili uwanja wa ndege wa Dodoma na kudhihirisha wazi kuwa sasa Dodoma ni makao makuu ya nchi na serikali yote itahamia Dodoma.
Alipokewa na viongozi mbalimbali wakiongozwa na Waziri wa Nchi, Ofisi ya Waziri Mkuu Sera, Uratibu, Bunge, Kazi, Ajira, Vijana na Walemavu, Jenister Mhagama na mamia ya wakazi wa Dodoma.
Ndege iliyombeba Waziri Mkuu iliwasili uwanja wa ndege saa 10.06 alasiri, ambapo alishuka ndani ya ndege akiwa ameongozana na mkewe, Mary, kisha kuwapungia wananchi.
Nje ya uwanja wa ndege, wananchi walijipanga barabarani wakiwa wamesimama na mabango, kama ishara ya kumkaribisha mkoani hapa kiongozi huyo wa juu, ambaye aliahidi Watanzania kuwa angehamia rasmi Dodoma mwezi Septemba.
Miongoni mwa mabango hayo yalisomeka ‘Magufuli Oyee’, ‘Ndege Tumeziona’, ‘Majaliwa Tumemuona’, ‘Tunakukubali’.Mabango mengine yalisomeka ‘Magufuli Tumemkubali, ‘Endelea kutumbua majipu’.

BRITISH COUNCIL WAZINDUA UTAFITI WA SAUTI ZA VIJANA JIJINI ARUSHA


Mkuu wa wilaya ya Arusha,Mh.Gabriel Daqarro akizindua kitabu cha utafiti wa Sauti ya Kijana nchini Tanzania uliofanywa na taasisi ya British Council kupitia ufadhili wa Shirika la misaada la serikali ya Uingereza la DFID kuwezesha sauti za vijana kuwafikia watunga sera na watoa maamuzi nchini,kulia ni Meneja Mradi wa British Council Tanzania,Elizabeth Nkanda. 
Mkuu wa wilaya ya Arusha,Mh.Gabriel Daqarro akizindua kitabu cha utafiti wa Sauti ya Kijana nchini Tanzania uliofanywa na taasisi ya British Council kupitia ufadhili wa Shirika la misaada la serikali ya Uingereza la DFID kuwezesha sauti za vijana kuwafikia watunga sera na watoa maamuzi nchini. 

Rais Magufuli afunga Maadhimisho ya Miaka 52 ya JWTZ ashuhudia Zoezi la Amphibious Landing Bagamoyo

Amiri  Jeshi Mkuu Rais Dkt John Pombe Magufuli akipiga ngoma za bendi ya jeshi ya Mwenge Jazzz wana Paselepa wakati  wa kufunga Zoezi la medani katika kilele cha maadhimisho ya miaka 52 ya Jeshi la Ulinzi la Wananchi wa Tanzania (JWTZ) huko Baatini, Bagamoyo mkoa wa Pwani leo Septemba 30, 2016
 Amiri  Jeshi Mkuu Rais Dkt John Pombe Magufuli, Rais wa Zanzibar Dkt. Ali Mohamed Shein na meza kuu wakipiga saluti wakati wa wimbo wa Taifa wakati wa kufunga Zoezi la medani katika kilele cha maadhimisho ya miaka 52 ya Jeshi la Ulinzi la Wananchi wa Tanzania (JWTZ) huko Baatini, Bagamoyo mkoa wa Pwani leo Septemba 30, 2016

WAZIRI WA AFYA ZANZIBAR, MH. MAHMOUD THABIT KOMBO AKUTANA NA RAIS WA SHIRIKA LA ENGENDER HEALTH LA MAREKANI

Rais wa Shirika la Engender Health la Marekani Ulla Muller ambae pia ni Mtendaji Mkuu (CEO) wa Shirika hilo akizungumza na Waziri wa Afya Mahmoud Thabit Kombo alipomtembelea Ofisini kwake Mnazimmoja Mjini Zanzibar, (kulia) ni Mkurugenzi Ufundi ambae ni Naibu mwakilishi wa Shirika hilo Tanzania Feddy Mwanga.
Maafisa waliofuatana na Rais wa Shirika la Engender Health kutoka Ofisi ya Dar es salaam wakifuatilia mazungumzo ya viongozi hao yaliyofanyika Ofisi ya Waziri wa Afya Mnazimmoja Zanzibar.

MAJALIWA APOKEA MISAADA ZAIDI YA TETEMEKO LA ARDHI KAGERA

Waziri Mkuu, Kassim Majliwa akipokea hundi ya shilingi milioni 80 kutoka kwa Balozi wa Pakistan nchini, Amir Khan (wapili kushoto ukiwa ni mchango kwa waathirika wa tetemeko la ardhi mkoani Kagera. Makabidhiano hayo yalifanyika kwenye hoteli ya Kyatt Regency jijini Dar es salaam Septemba 30, 2016. Kushoto ni Waziri wa Mambo ya Nje na Ushirikiano wa Afrika ya Mashariki, Augustine Mahiga na kulia ni Waziri wa Elimu na Mafunzo ya Ufundi, Profesa Joyce Ndalichako. (Picha na Ofisi ya Waziri Mkuu)
Waziri Mkuu, Kassim Majaliwa akipokea hundi ya Shilingi milioni 50 kutoka kwa Mwakilishi Mkazi wa Tasisi ya Aga khan nchini, Amin Kurji (kulia) ukiwa ni mchango kwa waathirika wa tetemeko la ardhi mkoani Kagera. Makabidhiano hayo yalifanyika Ofisini kwa Waziri Mkuu jijini Dar es salaam Septemba 30, 2016. Kushoto ni Waziri wa Mambo ya Nje na Ushirikiano wa Afrika ya Mashariki, Augustine Mahiga na wapili kulia ni Waziri wa Elimu na Mafunzo ya Ufundi, Profesa Joyce Ndalichako. (Picha na Ofisi ya Waziri Mkuu)

TANESCO YAFANYA KIKAO CHA UJIRANI MWEMA NA VIONGOZI WA JAMII INAYOZUNGUKA VITUO VYA KUFUA UMEME WA GESI VYA KINYEREZI JIJINI DAR ES SALAAM


Meneja wa Kituo cha kufua umeme kinyerezi I, Mhandisi Lucas Busunge, akifungua kikao cha ujirani mwema kati ya TANESCO, TPDC na viongozi wa jamii inayozunguka Vituo vya kufua umeme wa Gesi vya Kineterezi jijini Dar es Salaam Septemba 30, 2016.
Mkuu wa Kitengo cha Usalama, TANESCO Makao makuu, Misana Gamba


Kaimu Meneja Uhusiano wa TANESCO, Leila Muhaji (aliyesimama), akizungumzia umuhimu wa viongozi wa mitaa kushirikiana na TANESCO katika kuelimisha umma, kutunza miundombinu ya umeme.

Afisa Usalama wa TANESCO makao makuu, Fidelis Almasi, akielezea namna viongozi wanavyoweza kushiriki katika kuelimisha wananchi umuhimu wa kutunza miundombinu ya umeme na athari za zitokanazo na uharibifu wa miundombinu hiyo kwa jamii na serikali.

Chadema Waahirisha Tena Maandamano ya Oparesheni UKUTA

Mwenyekiti wa Chama cha Demokrasia na Maendeleo (CHADEMA) Taifa, Freeman Mbowe ametangaza kuwa Operesheni UKUTA iliyokuwa ifanyike Oktoba Mosi haitofanyika tena.

Mbowe amesema hayo leo baada ya kimya cha muda mrefu tangu kuahirishwa kwa maandamano Septemba Mosi. Aidha, Mbowe amesema kuwa hawatataja tarehe ya kufanya maandamano ili kutompa adui nafasi ya kujipanga. Amesisitiza kuwa maandamano yapo, ila tarehe hawataweka hadharani.

Operesheni hii ilikuwa ifanyike Septemba Mosi mwaka huu lakini iliahirishwa ili kuwapa nafasi viongozi wa dini kuweza kukutana na kujadiliana na Rais Dkt Magufuli juu ya mustakabali wa hali ya kisiasa nchini kufuatia kuzuiwa kwa shughuli mbalimbali za kisiasa.

WAREMBO 30 MISS TANZANIA WATINGA KAMBINI LEO, WAPEWA SOMO LA AWALI NA MISS TANZANIA WA SASA

Baadhi ya Washiriki watakaowania Taji la Miss Tanzania 2016 wakiwa katika picha pamoja muda mfupi baada ya kuwasili kambini. Jumla ya Washiriki 30 kutoka kanda mbalimbali nchini wameingia Kambini leo Septemba 30, 2016 tayari kwa maandalizi ya Shindano hilo linalotarajiwa kufanyika mwishoni mwa Mwezi ujao.
Mrembo anaeshikilia Taji la Miss Tanzania kwa sasa, Lilian Kamazima akizungumza na Warembo alipokutana nao leo Septemba 30, 2016 kwenye Hoteli ya Regency, Jijini Dar es salaam. ambapo jumla ya Washiriki 30 wameingia kambini leo tayari kwa maandalizi ya Shindano hilo linalotarajiwa kufanyika mwishoni mwa Mwezi ujao.

UANGALIZI WA AFYA WA BURE NA MENGINEYO SILVER SPRING, MARYLAND

DICOTA 2016 EC ELECTIONS - VOTER CREDENTIALS SENT

 
Voter credentials have been sent!! If you're an active paid member, and have not received the credentials, email DICOTA Election Committee immediately at  election@dicotaus.org


BENKI KUU YA TANZANIA YASEMA PATO LA TAIFA LIMEONGEZEKA KWA ASILIMIA 7.9

 Kaimu Meneja Kitengo cha Mahusiano kwa Umma wa BoT, Victoria Msima, akimkaribisha  Gavana wa Benki Kuu ya Tanzania (BoT), Profesa Beno Ndulu (wa pili kushoto), kuzungumza na wanahabari kuhusu ukuaji wa pato la taifa kwa robo na nusu mwaka 2015 Dar es Salaam leo.
 Taswira ya meza kuu katika mkutano huo. Kutoka kulia ni Kaimu Meneja Kitengo cha Mahusiano kwa Umma, Victoria Msima,Mkurugenzi wa Idara ya Usimamizi wa Mabenki,  Kenedy Nyoni, Gavana wa Benki Kuu ya Tanzania, Profesa Beno Ndulu na Kaimu Mkurugenzi wa Utafiti wa Sera za Kiuchumi, David Kwimbere.

HOTUBA YA OBAMA KWENYE MAZISHI YA SHIMON PERES

Washtakiwa kesi ya akaunti feki ya tetemeko wapata dhamana

By Mwandishi Wetu, Mwananchi

Bukoba. Mahakama ya hakimu mkazi Bukoba imewaachia kwa dhamana washtakiwa watatu wa kesi ya kufungua akaunti feki ya tetemeko mkoani Kagera.

Hata hivyo, mshtakiwa wa kwanza, Amantius Msole ambaye alikuwa Katibu Tawala wa Mkoa wa Kagera, amekwama na kurudishwa rumande baada ya kukosa mdhamini wa kuaminika.

Wametakiwa wasalimishe hati za kusafiria, kuwa wadhamini wawili kila mmoja anasaini bondi ya Sh5 milioni na hawaruhusiwi kutoka nje ya mkoa wa Kagera. Kesi itatajwa Oktoba 13.

MISA YA KISWAHILI JUMAPILI TAREHE 09 OCTOBA, 2016

Image result for 120 East 106 Street, New York, NY 10029.
Wakristu wapendwa,
Tumsifu Yesu Kristu.
Padre Peter Mushi na Padre Godfrey Amobi, wanapenda kuwatangazia ya kuwa,
Misa yetu ya kiswahili itafanyika Jumapili, tarehe 09 Mwezi Octoba, 2016, Saa 8:00 mchana (Sunday 08, October 2016 at 2 pm). Tungeomba wakristu wote watanzania na Afrika ya Mashariki wajiunge nasi katika Misa hii.
Tunawakaribisha watu wote wanaopenda kuhudhuria ibada ya Kiswahili.

Anwani yetu ni: Kanisa la Mt. Cecilia, 120 East 106 Street, New York, NY 10029. Between Lexington and Park Avenue.

Chukua Train # 6. Mpaka kituo cha 110 St. Halafu tembea ukirudi mpaka 106 St.

Ni matumaini yetu kwamba mtafika kwa wingi. Karibuni tumtukuze Muumba Wetu kwa lugha yetu ya Kiswahili.
Mbarikiwe. Kutoka kwa Padre Peter Mushi na Padre Godfrey Amobi

Karibuni...

Naibu Waziri wa Afya Dk. Kigwangalla afanya ziara katika Hospitali ya Mkoa wa Kigoma

Naibu Waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akipokelewa na madaktari waandamizi wa Hospitali ya Mkoa wa Kigoma, wakati wa kuwasili Hospitalini hapo kwa ziara ya kikazi mapema jana Septemba 29.2016.
Naibu Waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akipatiwa maelezo kutoka kwa msimamizi wa Maabara ya Hospitali ya Mkoa wa Kigoma

BUKOBA


This is a design I created to sell to help to support the people my village of Bukoba, Tanzania who experienced a devasting earthquake on September 10, 2016. The shirts are available in all sizes, short or long sleeved. All proceeds will go to help the people of Bukoba. My plan is to help rebuild the sports community by sending balls, jerseys and other equipment. Shirts are available on the Soccer Monster Website for $20 plus shipping. 

Kichupa cha leo Foby - Star ( OFFICIAL MUSIC VIDEO )

CHADEMA kutoa msimamo wa Oparesheni UKUTA Leo

Mwezi mmoja baada ya Chadema kusitisha Operesheni Ukuta kupinga inachokiita ukiukwaji wa haki za binadamu na ukandamizaji wa demokrasia, leo inatarajia kutoa mwelekeo wa mkakati huo.

Operesheni hiyo ilipangwa kuzinduliwa Septemba mosi nchini kwa maandamano na mikutano ya hadhara kama maazimio ya Kamati Kuu ya Chadema, baada ya chama hicho kukumbwa na vikwazo kadhaa kuendesha shughuli zake, ikiwa ni pamoja na kuzuiwa kufanya mikutano ya hadhara.

Siku moja kabla ya kufanyika kwa operesheni hiyo, Mwenyekiti wa Chadema, Freeman Mbowe alitangaza kuisitisha kwa mwezi hadi kesho, ili kutoa fursa kwa viongozi wa dini kusemezana na Rais John Magufuli na Serikali yake.

Jana, Mwanasheria Mkuu wa Chadema, Tundu Lissu alisema: “Kuhusu Ukuta, kesho (leo) tutatoa msimamo wetu juu ya kitu tutakachofanya.”

VIONGOZI WA DUNIA WAHUDHURIA MAZISHI YA WAZIRI MKUU WA ZAMANI WA ISRAEL, SHIMON PERES


Askari wakiwa wamelibeba jeneza la mwili wa Shimon Peres
 Viongozi mbalimbali duniani wanajiandaa kutoa heshima zao za mwisho wakati wa mazishi ya kiongozi shupavu wa Israeli marehemu, Shimon Peres, aliyefariki Jumatano wiki hii.
Rais Barack Obama akizungumza jambo
Kuna ulinzi mkali katika eneo ambalo litatumika kwa mazishi yake, katika maeneo ya makaburi ya kitaifa mlimani Herzl mjini Jerusalem. Waombolezaji watajumuisha Rais wa sasa wa Marekani Barack Obama na Rais wa zamani Bill Clinton, aliyefanya kazi na Bw Peres katika mkutano wa mwafaka wa amani wa Oslo mwaka wa 1993.

SERENGETI BOYS WAJIFUA JIJINI BRAZZAVILLE TAYARI KWA MTANANGE WA MARUDIANO NA CONGO JUMAPILI

 Wachezaji wa Timu ya Taifa ya Vijana wenye umri wa chini ya miaka 17 - Serengeti Boys, wakijifua kwenye Uwanja wa Seminari Kuu ya Kumbukumbu ya Kardinali Emile Biayenda wa Kanisa Katoliki, Jimbo Kuu la Brazzaville, Jamhuri ya Congo. Serengeti Boys inajiandaa kucheza na vijana wa Congo, Jumapili ya Oktoba 2, 2016 kwenye dimba la Alphonse Massamba-Débat ulioko kwenye Makutano ya Barabara za Nkolo na Boko, hapa jijini Brazzaville. 
 Kocha wa Makipa wa Timu ya Taifa ya Vijana wenye umri wa chini ya miaka 17 - Serengeti Boys, Muharami Mohammed maarufu kwa jina la Shilton (wa pili kushoto) akiwanoa vijana wake, Kelvin Kayego (kushoto), Ramadhani Kabwili (wa tatu kushoto) na Samwel Brazio kwenye Uwanja wa Seminari Kuu ya Kumbukumbu ya Kardinali Emile Biayenda wa Kanisa Katoliki, Jimbo Kuu la Brazzaville, Jamhuri ya Congo. Serengeti Boys inajiandaa kucheza na vijana wa Congo, Jumapili ya Oktoba 2, 2016 kwenye dimba la Alphonse Massamba-Débat ulioko kwenye Makutano ya Barabara za Nkolo na Boko, hapa jijini Brazzaville.


PATO LA TAIFA LAKUA KWA KASI

Mkurugenzi Mkuu wa Ofisi ya Taifa ya Takwimu(NBS) Dk Albina Chuwa akizungumza katika mkutano na waandishi wa habari, Dar es Salaam. (Picha na Mroki Mroki).
Mkurugenzi Mkuu wa Ofisi ya Taifa ya Takwimu(NBS) Dk Albina Chuwa akizungumza katika mkutano na waandishi wa habari, Dar es Salaam. (Picha na Mroki Mroki)

OFISI ya Taifa ya Takwimu(NBS) imebainisha kuwa katika kipindi cha robo ya pili ya mwaka huu, Pato la Taifa limeendelea kukua kwa kasi ya asilimia 7.9 ikilinganishwa na asilimia 5.8 ya robo ya pili ya mwaka jana.

Aidha, imetaja sekta zilizochangia kukua kwa kasi kwa pato hilo kuwa ni kilimo, viwanda, uchukuzi, ujenzi, madini na umeme kupitia gesi asilia.

Akizungumza na waandishi wa habari Dar es Salaam jana kuhusu taarifa hiyo ya uchumi kwa kipindi cha robo ya pili ya mwaka huu, Mkurugenzi Mkuu wa NBS, Dk Albina Chuwa alisema kutokana na kasi ya uchumi inavyokwenda kwa sasa, huenda ifikapo Desemba mwaka huu, kwenye taarifa ya robo ya tatu ya mwaka pato hilo likaongezeka zaidi.

Dk Chuwa alisema kwa mujibu wa takwimu zilizopo pato hilo la taifa lime fikia jumla ya thamani ya Sh trilioni 11.7 ikilinganishwa na Sh trilioni 10.9 katika kipindi kama hicho cha mwaka jana. “Imekadiriwa kuwa pato la taifa mwaka huu kwa bei ya mwaka wa kizio 2007 litakuwa Sh trilioni 47.2 ikilinganishwa na Sh trilioni 44.1 iliyopatikana mwaka jana,” alisisitiza.